Магия

Заговоры

Биоэнергетика

Гадания

Сонник

Имена


Молитва Великаго Василія

Молитва Великаго Василія

Молитва Великаго Василія

Молитва Великаго Василія.
Заклинаю тя, злоначальниче хульный, начальниче отверженный,
самодѣтельниче лукавый! Заклинаю тя, отверженнаго отъ ѿвышия свѣтлости
и во тьму глубины низведеннаго за гордость! Заклинаю тя и всю спадшую ти
силу въ слѣдъ твоея воли! Заклинаю тя, душе нечистый, Господемъ Богомъ
Саваофомъ и всѣми воинствы ангельскими Божіими: изыди, отъиди отъ
созданія сего! Заклинаю тя Богомъ-Словомъ, Единороднымъ Сыномъ Его,
рожденнымъ отъ Него прежде вѣкъ; неизглаголаннымъ и Святымъ Духомъ,
исходящимъ отъ Него, иже сотворившимъ видимую тварь и создавшимъ
человѣка по образу рукою своею и по подобію, и словесемъ животнымъ,
исполнившимъ и вселенную писаніемъ, первѣе родъ всякъ научившимъ и
писаніемъ на путь истинный волею наставльшимъ, и ангеломъ
приставленіемъ сохранившимъ, и потопльшимъ водою свыше, и
поднебесныя бездны наводнившимъ, и исполни нечествовавшая
погубльшимъ, и столповъ скверныхъ стрясшимъ, и землю Содомскую и
Гоморскую огнемъ Божіимъ исполнившимъ, его же свидѣтель — дымъ, не
угасая, курится, и раздѣлившимъ море жезломъ, и люди своя немокрыми
стопами проведшимъ, и мучителя Фараона и воя Богоборца въ вѣки волнами
погруждшимъ и языки иноплеменники потребльшимъ, и законы нечестія
разрушившимъ брани, и воплотившимся отъ Маріи дѣвы, напослѣдокъ
неизрѣченно ти печати чистоты сохранившимъ и изволившимъ крещеніемъ
омыти ветхую скверну, нашимъ же есми преступленіемъ осквернилися, и
погруженіемъ насъ отъ грѣхъ омывшимъ. Заклинаю тя Богомъ, крещшимся
во Іорданѣ и образъ намъ чистоты подавшимъ, въ водѣ погруженнымъ,
емуже ангели и вся силы небесныя удивишися, воплощаема Бога видяще,
смирившася и Божественное свое существо скрывша, отъ нижняго же
безначальный Отецъ собезначальное Рождество открый и Святаго Духа
сшествіемъ Тройчное естество свидѣтельствова. Заклинаю тя Богомъ,
запретившимъ вѣтромъ и волненіе морское укротившимъ, и прогнавшимъ
бѣсовъ множество, и зѣницы очію изъ чрева ослѣпленѣ и бреніемъ слѣпому
зрѣти сотворившимъ, и первый рода нашего созданія образъ намъ
обновльшимъ. Заклинаю тя Богомъ, давшимъ хромымъ ходити и теченіе
крови безъ числа затворшимъ, и отрясшимъ проказы отъ струпнымъ, и
мертвыя изъ гробъ источити сотворшимъ, бесѣдовавшимъ намъ страстьми до
гроба, и ада испровергшимъ воскресеніемъ, и все человѣчество не объято
смертію устроившимъ. Заклинаю тя Богомъ, всѣхъ и вся исполнившимъ, и
Богомъ безсмертнымъ, вездѣ сущимъ, отъ Того бо трепещутъ, Того убоятся,
егоже вся ужасаются и трепещутъ, и боятся, и отступаютъ. Заклинаю тя
Богомъ вседержителемъ, божественный свой Духъ вдохнувшимъ въ пророки
и апостолы, поспѣшествовати, и всю вселенную благочестія наполнившимъ:
убойся, бѣжи, отъиди весь, о, бѣсъ нечистый, злый, сильный, преисподніи
глубина и лживый блазномъ, льстивый, необразный и многообразный,
видимый безстудія ради, невидимый лицемѣрія ради; идѣже аще еси и
отонюдуже аще идеши, или самъ еси, Вельзауле, князь бѣсомъ, или
невидимъ, или гордъ, или животнымъ привидѣніемъ являяся, или зміевымъ
образомъ, или звѣринымъ лицемъ, или яко куреньемъ дыма нѣкоего являяся
или яко огнь измѣняяся, или привидѣніемъ являяся мужескимъ поломъ и
женскимъ, или гадомъ, или птицею, или нощію глаголя, или слухъ страша,
или претекій, или творяся въ свѣтѣ, или во снѣ, или въ спаніи тяжцѣ, или въ
язвѣ, или въ болѣзни, или въ слезахъ похотныхъ, или на смѣхы пущая, или
пустошенъ или похотенъ, или идолескъ, или чары любя, или на похоти
неистовъ, или звѣдочтецъ, или чаромъ обрѣтать, или піянствомъ обрѣ и
кровемъ, и мятежемъ творецъ, безстуденъ, ревнивъ, нестроенъ, съ луною ся
перемѣняя, или со временемъ нѣкимъ превращаяся, или наутрія, или на
полудне, или въ полунощи, или въ безгодія нѣкая, или заутра, или
прилученіемъ ся еси утолклъ, аще еси посланъ къ нимъ, или приближился
еси внезапу, или изъ моря, или изъ рѣкъ, или изъ брегъ, или изъ кладязя, иля
изъ рова, или изъ озера, или изъ тростія, или изъ-подъ земли нечистыя, или
изъ лѣса лужнаго, или изъ древа, или изъ птицы, или изъ грома, или изъ
града, или изъ молнія, или изъ основанія храмины, или изъ покрова баннаго,
или изъ купели водныя, или изъ гроба идольскаго, или отнюдуже вѣмъ и не
вѣмъ, отъ знаемыхъ и не знаемыхъ, и отъ не посѣтимаго мѣста — отлучися и
измѣнися, устыдися образа, образованнаго рукою Божіею, убойся
воплощеннаго Бога, уподобися и не укрыйся врагъ Божіихъ (имя рекъ), ибо
жезла гнѣва Божія и пещъ огненная, и преисподняя, и скрежетъ зубный,
прещеніе ослушанія ждетъ тебе;

убойся, бѣжи отъ мене и не возвратися ни
единъ, ни со иными злыми духи нечистыми, но отъиди на непроходную
землю и на безводную, и не дѣланную, на нейже человѣкъ не живетъ, Богъ
же единъ призираетъ, связая и вся прельщающія его образъ, и совѣщавающія,
и узами во тьмѣ преисподней связавъ тя, всему злу діявола, и долгую нощъ и
день посади тя и заключи, яко велій страхъ Господень и велія слава Его, и вся
работна Ему, Отцу и Сыну, и Святому Духу, нынѣ и присно, и во вѣки
вѣкомъ, Аминь.

 

ПОПУЛЯРНЫЕ СТАТЬИ ПО ТЕМЕ

Молитвы:
  • Молитва Святаго Священно Мученика Кипріяна
  • Молитва Матроне
  • Молитва «Отче Наш»
  • Молитвы Ангелу — Хранителю
  • Молитвы перед ритуалами
  • Молитвы в магии
  • Добавить комментарий

    Гороскоп на 2017 год

    Восточный гороскоп 2017

    Предсказания на 2017

    2017 г Огненного Петуха

    Свежие записи